Sunday, July 25, 2010



ಮರೆವೆನೆ ಜೊತೆಯ?
--------------
ಕತ್ತಲ ಕಳೆಯಲು
ತಿಂಗಳ ಚಂದಿರ
ತಿಣುಕಾಡುವ
ಪರಿಯನು ಕಾಣುತ,

ಚುಕ್ಕಿಗಳಂದವು
ಬಾಂದಳದಣ್ಣ..
ನಾವಿರುವೆವು ಜೊತೆಗೆ.

ಜೊತೆಯಿದ್ದರೆ ಕೆಲಸವು ಹಗುರ
ಮನಸು ನಿರಾಳ.

ನಿಶಾದೇವಿಯ ಅಪ್ಪುತ,ತಬ್ಬುತ
ನಿದ್ದೆಗೆ ದೂಡುತ
ಚಂದಿರ ತಂದ
ಬೆಳದಿಂಗಳ ಚಂದ...

ಚುಕ್ಕಿಯ ಚಿಣ್ಣಗೆ
ಕಣ್ಣನು ಮಿಣುಕಿಸಿ
ಚೆಲ್ಲುತ ಬೆಳಕನು
ಚಂದಿರ ಅಂದ...

ಪ್ರೀತಿಯ ನೀಡಿ..ಜೋಡಿಸಿ ಕೈಯನು
ಜೊತೆಯಲಿ ನಿಂದಾ
ನಿಮ್ಮನು ಮೆರೆಸುವೆ ಆಗಸದೆತ್ತರ..
ಮರೆವೆನುಎಂತೂ..
ಮರೆಯೆನು ಎಂದೂ..

ಮರೆಯದೆ ಜತೆಯ
ಮೆರೆಯುವ ನಭದಿ
ಜೊತೆಯಲಿ ನಿಂದು
ಎಂದೆಂದೂ...
++++++

22 comments:

ಸಾಗರದಾಚೆಯ ಇಂಚರ said...

ಕೆಳಗಿನ ಸಾಲುಗಳು
''ಪ್ರೀತಿಯ ನೀಡಿ..ಜೋಡಿಸಿ ಕೈಯನು
ಜೊತೆಯಲಿ ನಿಂದಾ
ನಿಮ್ಮನು ಮೆರೆಸುವೆ ಆಗಸದೆತ್ತರ..
ಮರೆವೆನುಎಂತೂ..
ಮರೆಯೆನು ಎಂದೂ.''

ಸುಂದರವೋ ಸುಂದರ

sunaath said...

ಸುಂದರವಾದ ಕಲ್ಪನೆ, ಬಂಧುರವಾದ ಕವನ!

ಸಿಮೆಂಟು ಮರಳಿನ ಮಧ್ಯೆ said...

ಬಹಳ ಸುಂದರ ಸಾಲುಗಳು...!

ಅಭಿನಂದನೆಗಳು...

Dr.D.T.K.Murthy. said...

ಸುಂದರ ಕವನ!ಇಷ್ಟವಾಯ್ತು.ಧನ್ಯವಾದಗಳು.

Subrahmanya said...

ತುಂಬ ಚೆನ್ನಾಗಿದೆ ಕವನ. ಒಂದು ರಾಗ ಹಾಕಿ ಸುಶ್ರಾವ್ಯವಾಗಿ ಹಾಡಬಹುದು. ಮನಸಿಗೆ ಹಿತವೆನಿಸಿತು.

ಸೀತಾರಾಮ. ಕೆ. / SITARAM.K said...

ಚೆಂದದ ಕವನ!

ಮನದಾಳದಿಂದ............ said...

ಚಂದದ ಸಾಲುಗಳು,
ತುಂಬಾ ಇಷ್ಟವಾಯಿತು........

ವಸಂತ್ said...

ಅದ್ಭುತ ಕಲ್ಪನೆ ಚೆಂದದ ಕವನ ಧನ್ಯವಾದಗಳು Venkatakrishna ಸರ್.

Kavya said...

Chandirana Angaladi beladingala Kavana...

ಮನಮುಕ್ತಾ said...

ನವಿರಾದ ಭಾವದಲ್ಲಿನ...ಸೊಗಸಾದ ಸಾಲುಗಳು...ಕವನ ಚೆನ್ನಾಗಿದೆ.

ರವಿಕಾಂತ ಗೋರೆ said...

Nice one...

kusu Muliyala said...

ಒಹ್..! ತಮ್ಮ ಎ೦ದಿನ ಗ೦ಭೀರ ಶೈಲಿಯಿ೦ದ ಹೊರ ಬ೦ದು,ಸು೦ದರವಾಗಿ, ರಾಗದಲ್ಲಿ ಹಾಡಬಹುದಾದ ಚ೦ದದ ಕವನ ಕೊಟ್ಟದ್ದಕ್ಕೆ ತು೦ಬ ತು೦ಬ ದನ್ಯವಾದ ಸಾರ್.

Venkatakrishna.K.K. said...

ಪ್ರತಿಕ್ರೀಯಿಸುವ ಪ್ರೀತಿ ತೋರಿದ
ಎಲ್ಲ ಗೆಳೆಯ/ಗೆಳತಿಯರಿಗೆ,
ಧನ್ಯವಾದಗಳು.ವಂದನೆಗಳು.

ವಿ.ಆರ್.ಭಟ್ said...

ಕವನ ಮತ್ತದರ ಹಿಂದಿನ ಭಾವ ಚೆನ್ನಾಗಿದೆ. ಜೊತೆಗೆ ನಾವೆಲ್ಲಾ ಇರುವಾಗ ನೀನೊಬ್ಬನೇ ಕಷ್ಟಪಡಬೇಕೇಕೆ ಎಂದು ನಕ್ಷತ್ರಗಳು ಕೇಳುವ ಪರಿ ಹಿಡಿಸಿತು, ಥ್ಯಾಂಕ್ಸ್

"ನಾಗರಾಜ್ .ಕೆ" (NRK) said...

ಚುಕ್ಕಿ ಮಾತು ಹಿಡಿಸಿತು, ಸುಂದರವಾಗಿದೆ :-)

ಪ್ರಗತಿ ಹೆಗಡೆ said...

ಚೆಂದದ ಕವನ ...ಧನ್ಯವಾದಗಳು..

Sushilkumar said...

nice one dear......

Sushilkumar said...

keep it up....

Venkatakrishna.K.K. said...

ವಿ ಅರ್ ಭಟ್,
ನಾಗರಾಜ್,
ಪ್ರಗತಿ ಹೆಗಡೆ,
ಶುಶಿಕುಮಾರ್,
ನಿಮ್ಮ ಪ್ರೀತಿಗೆ ಅಭಾರಿ...
ವಂದನೆಗಳು.

Shashi jois said...

ಚೆಂದದ ಸಾಲಿನ ಕವನ .

Snow White said...

tumba tumba chennagide padagala jodhane.. :)

Venkatakrishna.K.K. said...

ಶಶಿ ಜೋಯ್ಸ್ರಿಗೆ,
ಹಾಗೂ
ಸ್ನೋ ವೈಟ್..
ಇಬ್ಬರಿಗೂ ವಂದನೆಗಳು.

Post a Comment